ကျည်တောင်က နှင်းအောင် ....
ကျည်တောင်ကို ရောက်ခါစက ကျွန်တော့်ကို ကလေးကနေလူကြီးအထိ ဘယ်သူမှ ကြည့်လို့မရဘူးဗျ။ ဆံပင်ကဂုတ်ဝဲ။ ပုဆိုးက ချက်ပြုတ် ခြေဖျားတိုက်။ စကားပြော ရင် မာရေကြောရေ။ ဘယ်သူကမှ အဖတ်မလုပ်ဘူး။ ကျွန်တော်ကလည်း အဲဒီ အချိန်တုန်းက ခပ်စွာစွာဆိုတော့ သိပ်ဂရုမစိုက်ဘူးဗျ။
အဲ...လုံးဝကို ဂရုမစိုက် တာဗျ။
ဒါပေမယ့်ဗျ။ ရွာသားတွေတော်တော် များများက မခင်သေးခင်တုန်းသာရယ်။ ခင်လည်းခင်ရော တစ်ရွာလုံးကလူပျိုတွေ ကျွန်တော့်ငှားထားတဲ့ အိမ်ပေါ်မှာချည်းပဲ။ ရွာမှာရှိတဲ့ကာလသားခေါင်းလည်း အော်တိုမစ်တစ် ရာထူးပြုတ်ပြီး ကျွန်တော့်လက် ထောက်ဖြစ်လာတော့တာပဲ။
ပထမဆုံး သူငယ်ချင်းက ကျွန်တော် ငှားနေတဲ့ အိမ်က နှင်းအောင် ဆိုတဲ့ကောင်။ ဒီကောင်ကလည်း ကျွန်တော်နဲ့ တစ်ခန်းတည်းဗျ။ ဒီကောင်က နောက်မှ ပြန်ပြောပြ တာကတော့ ကျွန်တော့်စတိုင်ကို စ မြင်ကတည်းက ခိုက်နေတာဆိုပဲ။ အဲဒီတုန်းက ဒီကောင်တော့ကံဆိုးပြီလို့ထင်လိုက်မိသေးတယ်။ လားလား ။ ဘယ်ဟုတ်မတုန်းဗျ။ ကံဆိုးတာက ကျွန်တော်။ မြို့ပေါ်က သူငယ်ချင်းတွေကို နှိပ်စက်ခဲ့သမျှ ဒီကောင်နဲ့ ကျမှ ရှိသမျှဝဋ်ကို အကုန်လည်တော့တာပဲဗျို့။
နှင်းအောင်။
မျက်ပေါက်ကျဉ်းကျဉ်း။ လက်ပြင်ကိုင်းကိုင်း။ စကားပြောရင် ဗလုံးဗထွေးနဲ့။ ရယ် လိုက်ရင် အင်း... ဟင်းဟင်းအစ်တဲ့။ သဘောကတော့ ဘာကောင်းသလဲ မမေးနဲ့။ သူ့အိမ်မှာ သူဘုရင်။ ဆန်းတော့ အဆန်းသားဗျ။ မိသားစုတစ်စုမှာ များသော အားဖြင့် အထူးခံအခွင့်အရေးရတဲ့သားသမီးဆိုတာက အကြီးဆုံးဖြစ်ရင်ဖြစ်။ မဟုတ် ရင် အငယ်ဆုံးဖြစ်။ ဒီကောင်က အလတ်ကောင်ဗျ။ သူ့အထက်မှာ သူ့ အစ်မ သုံးယောက်ရယ်။ သူ့အောက်မှာ ညီမတစ်ယောက်ရယ်။ ညီတစ်ယောက်ရယ် ရှိ တယ်ဗျ။ ဒါပေမယ့် ဒီကောင်က သူ့အိမ်မှာ တကယ်ကို ဘုရင်။ ဘာမှလည်း မလုပ် ဘူး။ တစ်အိမ်လုံးကလဲ သူပြောရင် ပွဲပြီးမီးသေပဲ။ ကျွန်တော့်ကို အိမ်ငှားတာတောင် ဒီကောင်ပြောလို့ဖြစ်မယ်ထင်တယ်။ သူ့အဖေကတော့ ခပ်အေးအေးပါပဲ။ ငယ်ငယ် က ရေငုတ်ပြီး ရွှေရှာခဲ့လို့တဲ့။ နား နည်းနည်းထိုင်းတယ်။ သူ့အမေကတော့ နည်း နည်း လည်ဝယ်တယ်။ ချဲရောင်းတယ်။ ဒီကောင်မင်းအောင်ဆိုတဲ့ ကောင်ကတော့ ခပ်ကြောင်ကြောင် ကောင်ရယ်။ ကြောင်တယ်ဆိုတာထက် အစ်မတွေနဲ့ပဲ နေခဲ့ရလို့ လားမသိဘူးဗျ။ အူတူတူ အတတနိုင်တာက ပိုတယ်။
ဒီကောင် အူတဲ့အကြောင်းကို ပြောရဦးမယ်။
တစ်ရက်ကပေါ့ဗျာ။ မြစ်ထဲမှာ ရေဆင်းကူးကြရော။ ကျွန်တော်ကတော့ ရေမကူး တတ်လို့ ကမ်းစပ်မှာ ချိုးတာပါ။ ဒီကောင်ကတော့ ကျွန်တော့်ကို ထားခဲ့ပြီး အဝေး ကြီးကို ကူးသွားတာဗျ။ ကျွန်တော်လည်း ရေချိုးပြီးတော့ ကျွန်တော့် အတွင်းခံ ဘောင်းဘီကိုလျှော်နေတုန်းဒီကောင်ပြန်ရောက်လာတယ်။
နှင်းအောင်ဆိုတဲ့ကောင်ရယ် ...
ကျွန်တော့်ကို မျက်လုံးကြီး ပြူးကြည့်ပြီး ဗလုံးဗထွေးနဲ့ မေးပါရော။
“မင်း ... ဟေ့ကောင့် ငပိုင်”
ဒီကောင်က ကျွန်တော့်ကို ငပိုင်လို့ ခေါ်ပါတယ်။
“မင်း ... အဲဒါကြီးက ဘယ်သူ့ဟာကြီးတုန်း”
“အာ...ငါ့ဟာပေါ့ကွ၊ အတွင်းခံဘောင်းဘီကို ငါက သူများဆီက ယူဝတ်ရမလား” ဒီကောင်...တအံ့တသြနဲ့ ကျွန်တော့်ကို ဆက်ပြောတယ်။
“မင်း...အဲဒါတွေ ၀တ်နေပြီ...ဟုတ်လား”
ရော်...ကျွန်တော် တကယ်ရယ်ချင်သွားတယ်။ စဉ်းစားကြည့်ဗျာ။ (၁၀)တန်း ကျောင်းသားအတွင်းခံဘောင်းဘီဝတ်တာ အဆန်းလား။ ဒီကောင် ဒါကိုတောင် မသိတာကိုလည်း ကျွန်တော်တော်တော်အံ့သြနေတယ်။ ခင်တာက သိပ်မကြာ သေးဘူးဆိုတော့ ဒီကောင် ရိုးတာ အတာကိုလည်း ကျွန်တော် သိပ်မသိသေးဘူး။ အဲဒါနဲ့ သူ့ကို ကျွန်တော်ရှင်းပြရတယ်။
“ဒါကို အန်ဒါဝယ်ယာ လို့လည်း ခေါ်တယ်၊ စပိုဒါလို့လည်း ခေါ်တယ်ကွ၊ ငါဆို (၅)တန်းလောက်ထဲက ၀တ်တာ၊ ယောက်ျားလေး တွေဆိုတာ ဘောလုံးကန်လိုက်၊ ပြေးလိုက်၊ လွှားလိုက်နဲ့ အူကျတတ်တယ်ကွ၊ ဒါကို ၀တ်တာအူ မကျအောင် ထိန်းတဲ့ သဘောပေါ့ကွာ၊ ပြီးတော့...”
ကျွန်တော် ဒီကောင့်ကို ဘောင်းဘီဝတ်ရတဲ့ အကြောင်းရင်းကို သေချာရှင်းပြခဲ့ တာဗျ။
နှင်းအောင် ကျွန်တော်ပြောတာကို သေချာနားထောင်တယ်။ ပြီးတော့ ပြောတယ်။
“ငါက အတွင်းဘောင်းဘီကို လူကြီးဖြစ်မှ ၀တ်ရတယ် ထင်တာကွ”
“ဟာ သေတော့မှာပဲ၊ မင်းက အခု လူကြီးမဟုတ်တော့ ကလေးလားကွ” “ကိုယ့်ဘာသာ ကိုယ်လည်း ပြန်ငုံ့ကြည့်ဦးဟ”
ဒီကောင် စပ်ဖြဲဖြဲနဲ့ ဟီးဟီးဆိုပြီး ရေထဲ ပြန်ဆင်းသွားတယ်..
နောက်နေ့ရောက်တော့ ကျွန်တော်လည်း အဲဒီအဖြစ်အပျက် တွေကို မေ့မေ့ပျောက် ပျောက်ပေါ့။ ကျောင်းတက်လိုက်၊ ဘောလုံးကန်လိုက်၊ ဂစ်တာတီးလိုက်၊ စာကျက် လိုက်နဲ့ပေါ့။ ဒီကောင်က မမေ့ဘူးဗျ။ သူ့အစ်မတွေ မြို့ကို ဈေးသွားဝယ်တော့ ဒီကောင် ဘောင်းဘီမှာနေသံကို သဲ့သဲ့ကြားတယ်ဗျ။
“စိတ်ရှုပ်လိုက်တာ နှင်းအောင်ရယ်” ဆိုတဲ့ သူ့အစ်မလတ်ရဲ့ အသံကိုလည်း ကြားတယ်။
ကျွန်တော်နဲ့ မဆိုင်တော့လည်းမေးမနေဘူးပေါ့။ ကျွန်တော်နေတဲ့ အိမ်နဲ့ သူတို့ အိမ်နဲ့ကတစ်ဝိုင်းတည်းဗျ။ ထမင်းကတော့ သူ့တို့အိမ်မှာပဲ ပေါင်းစားတယ်။
အ၀တ်တွေဘာတွေလည်း သူတို့အစ်မတွေကပဲ လျှော်ပေးတာ။ သူ့အစ်မလတ် မအေးမာဆိုတာကလည်း ဆယ်တန်းနှစ်ကျ။ ကျွန်တော်တို့ အတန်းမှာပဲ။ အရင်နှစ်ကတော့ မြို့မှာ လာတတ်တာ..တဲ့။
ပြောရဦးမယ်။ ကျွန်တော်က ဘာအလုပ်မှ ရှိတဲ့ကောင်မဟုတ်တော့ ကျောင်းဝိုင်း သန့်ရှင်းရေး တာဝန်ယူထားတယ်ဗျ။ ကျွန်တော်တို့ ကျောင်းက တွဲဖက်ကျောင်းဆို တော့ အတည်တကျ မရှိသေးဘူး။ ရွာလယ်ခေါင် ဘုရားဝန်းထဲက ဓမ္မာရုံကို ပြင်ပြီး စာသင်ခန်းလုပ်ထားတာ။
ကျွန်တော်က ကျောင်းကို သန့်ရှင်းရေးလုပ်ရင်း ဘုရားကိုပါ တံမျက်စည်းလှည်းပေါ့။ ဘုရားစူး၊ မိုးကြိုးပစ်။
အဲဒီရွာမှာ ကျွန်တော်ကောင်းတာလုပ်ခဲ့တာဆိုလို့ အဲဒါတစ်ခုပဲရှိတာပါ။ ရွာထဲက လူကြီးတွေကတော့ ကျွန်တော့်ကို အဲဒါလေးလုပ်တာတစ်ခုနဲ့တင် အထင်တွေ စွတ် ကြီးနေတော့တာကိုး။
“ကောင်လေးကပုံစံကသာထောင့်မကျိုးတာ စိတ်ဓာတ်လေးကတော့ ကောင်းသား”... ဆိုပဲ။ နောက်မှ ပြန်ပြောပြတာ။
အဲ...တစ်ရက်တော့ ကျွန်တော် ကျောင်းသန့်ရှင်းရေး လုပ်ဖို့ ကျောင်းကို ရောက်ခါစ မနက် (၈)နာရီလောက်ပဲ ရှိသေးတယ်။ ကျောင်းကို ဘယ်သူမှ မရောက်သေးဘူး။
နှင်းအောင် ဆိုတဲ့ကောင်ရယ်...
ကျွန်တော့်ဆီကို သုတ်သုတ် သုတ်သုတ်နဲ့ ပြေးလာပါလေရော။
“ဟေ့ကောင် ငပိုင်၊ ဟေ့ကောင် ငပိုင်”
“ဟ...ဘာဖြစ်လာတာလဲဟ”
ဒီကောင် အသက်ကို မနည်းလုရူရင်းက ကျွန်တော့်ကို မျက်လုံးကြီး ပြူးပြီး ပြော တယ်။
“ခဏ...ခဏ လိုက်ခဲ့စမ်းပါ...ငါနဲ့”
“ဟင် ဘယ်ကိုတုန်း“
ဒီကောင် ကျွန်တော့်ကို ခေါ်မယ့်သာ လာခေါ်တာ ဘယ်ကိုခေါ်ရမှန်း စဉ်းစားထား ရသေးပုံမပေါ်ဘူးဗျ။ ဒီကောင် မျက်လုံးက ဟိုကြည့် ဒီကြည့်နဲ့ အိမ်သာဘက်ကို ရောက်တော့ မျက်နှာကြီး ချက်ချင်းပြုံးသွားတယ်။
“ဟုတ်ပြီ ...အိမ်သာကို လိုက်ခဲ့”
“ဟာ...အိမ်သာကို ဘာလိုက်လုပ်ရမှာတုန်း”
“လာစမ်းပါကွာ...မင်းကို ပြစရာရှိလို့ပါ၊ မင်းက အရေးထဲ သောက်စကားများ နေသေးတယ်”
အာ...ဒီကောင်ကတောင် ကျွန်တော့်ကို ပြန်ငေါက်လိုက်သေးတယ်။ ကျွန်တော် လည်း ရေးကြီးသုတ်ပြာ ကျွန်တော့်နောက်ကို လိုက်လာပြီး ပြစရာရှိတယ် ဆိုတော့ နည်းနည်းစိတ်ဝင်စားသွားတယ်။ အဲဒီအချိန်အထိလည်း အတွင်းခံဘောင်းဘီကိစ္စ က ကျွန်တော့်ခေါင်းထဲကို ၀င်မလာသေးဘူးဗျ။
ဒီကောင်က ကျွန်တော့်ကို သူဝယ်လာတဲ့ အတွင်းခံ ဘောင်းဘီကို လာကြွားတာ။ အဲဒါကို ကျွန်တော်က မသိသေးဘူး။ သိရင် ဘယ်လိုက်လိမ့်မလဲဗျာ။ ဒီကောင် အူကြောင်ကြောင်လုပ်တာနဲ့ ကျွန်တော်လဲသူ့နောက်ကနေ အိမ်သာကိုလိုက်သွား ရော...
အိမ်သာလည်း ရောက်ရော ကျေးဇူးရှင်က အိမ်သာထဲကို စွတ်ခနဲဝင်ပြီး ကျွန်တော် ဘက်လှည့်လိုက်တယ်။
ကျွန်တော်က အိမ်သာ အပြင်ဘက်မှာ တံမျက်စီးလေး ကိုင်ပြီး တအံ့တသြ ရပ်ကြည့်နေတာ။ ဒီကောင် ဘာလုပ်မလို့ပါလိမ့်ပေါ့။ ဒီကောင် ကျွန်တော့်ကို ပြုံးစစ နဲ့ သေချာစိုက်ကြည့်လိုက်သေးတယ်။ မျက်နှာပေးကတော့ တော်တော့်ကို ပျော်လာ ပုံပဲဗျ။
ဒီကောင်လေ ...ခါးကိုကုန်း၊ ပုဆိုးအောက်စကိုကိုင်ပြီး ကျွန်တော့်ကို ရုတ်တရက်ကြီးလှန်ပြပါလေရော။ အမှန်က သူ့ဘောင်းဘီကို ကြွားတာပါ။ အဲဒါကို ဒီတိုင်းမကြွားဘဲ သေနာက ၀တ်ပြီးမှ လှန်ကြွားတာ။ ကျွန်တော် ခဏတော့ ကြောင် သွားသေးတယ်။
ပြီးတော့မှ တအံ့တသြနဲ့ ဒီကောင့် မျက်နှာကို လှမ်းကြည့်တော့... အံမယ် ကိုယ်တော်က မျက်လုံးကြီးပြူးပြီး ကျွန်တော့်ကို ဘယ်နှယ့်လဲဆိုတဲ့ ပုံစံ နဲ့ မေးငေါ့ပြလိုက်သေးတယ်။ မျက်နှာကလည်း ဂုဏ်ယူနေပုံပဲ။
ကျွန်တော်လေ...။
အသေအလဲ အော်ရယ်ပစ်လိုက်တယ်။
အူကို နှိပ်မနေဘူး၊ ဟန်ကို မဆောင်နိုင်ဘူး။
ဘယ့်နဲ့ ဗျာ... သူဝတ်ထားတဲ့ ပုံစံကိုလည်း ကြည့်ဦး။
သူ့ပေါင်တံက မည်းမည်း သေးသေးလေးတွေ။ ဘောင်းဘီက ဆိုဒ်အကြီးကြီး။
ဆိုတော့ ... အတွင်းခံ ဘောင်းဘီဝတ်ထားတာနဲ့ မတူဘဲ ဘောလုံးကန် ဘောင်းဘီ ၀တ်ထားသလိုကြီးလေ။ ပွယောင်းယောင်းကြီးပေါ့ ။
အဲဒါထက်ဆိုးတာ တစ်ခုက ...
ဘောင်းဘီရဲ့ အရောင်က နီနီရဲရဲ။
ရှေ့တည့်တည့်မှာက နှင်းဆီပွင့် ဖြူဖြူကြီးက ဖွေးလို့ ...။ ဟီး...ဟီး။
မိန်းမ၀တ်တဲ့ ဘောင်းဘီကြီး။
သူ့အတွက်... သူ့အစ်မ၀ယ်လာပေးတဲ့ ဘောင်းဘီက ဆိုဒ်အကြီးဆုံး မိန်းမ၀တ် အတွင်းခံ အနီရဲရဲကြီးဗျာ။
ဟုတ်ကဲ့။ တကယ်ပါဗျာ။
အဲဒီ နှင်းအောင်ဆိုတဲ့ကောင် မိန်းမ၀တ်နဲ့ ယောက်ျားဝတ်တောင် ခွဲပြီးမသိတဲ့ ကောင်ပါ။
