သို့.....ချစ်ရပါသော မမမွန်..

October 31, 2009
သို့
ချစ်ရပါသော မမမွန်
ရယူခြင်း...ပေးဆပ်ခြင်း
အဲဒီလို ငြင်းခုန်နေကြသူတွေထဲမှာ
ကျွန်တော် ဘာ့ကြောင့် လူရာမ၀င်နိုင်ခဲ့တာလဲ
ကျွန်တော်လည်းပဲ ချစ်တတ်ခဲ့ပါတယ် မမမွန်။

ထားလိုက်ပါတော့ မမမွန်
ကျွန်တော့်အတွက် ပိတ်ထားတဲ့ တံခါး
ကမ္ဘာကုန်အောင် ပွင့်မသွားဘူးပဲ ထားလိုက်ပါတော့
နင့်နင့်သီးသီး စကားလုံးတွေတော့
တစ်ချိန်ချိန်မှာ လျော့ပါးသွားမလား
အဲဒီလို မျှော်လင့်ထားခဲ့ပါတယ် မမမွန်။

နည်းနည်းပါးပါး ခါးသက်ပေမယ့်
ဖြေသိမ့်နိုင်သလောက်တော့ ကျွန်တော် စိတ်လျှော့ထားခဲ့ပါရဲ့
“မသာကောင်..သေခြင်းဆိုး” လို့ ကြားနေရတာက
ဝေးသွားတာထက် စာရင်တော့
နည်းနည်းပျော့တဲ့ ဝေဒနာပါ။

ချစ်ရပါသော မမမွန်
ဒီနေ့ ကျွန်တော့်ကို မချစ်ဘူး
မနေ့ကလည်း မချစ်ဘူး
အရင်နေ့ကလည်း မချစ်ဘူးဆိုတော့
နည်းနည်းတော့ လက်လျှော့လိုက်ချင်ပြီ မမမွန်။

ဒါပေမယ့်လည်း မမမွန်
မနက်ဖန်မှာ ချစ်လာနိုင်မလား
သဘက်ခါမှာ ချစ်လာမလား
နောက်ရက်တွေမှာ ချစ်လာနိုင်သေးလားဆိုပြီး
မျှော်လင့်ချက်တွေက အပြီးသတ်ဖို့ ခဲယဉ်းနေတုန်းပဲ မမမွန်။

အားနာလို့ပဲဖြစ်ဖြစ်
သနားလို့ပဲ ဖြစ်ဖြစ်
ကျွန်တော် မျှော်လင့်ခွင့်ရှိတာ အကုန်လုံးအတွက်
နောက်ဆုံးထွက်သက်အထိ မျှော်လင့်နေပါရစေ မမမွန်။
ကျွန်တော့်ဘ၀အတွက် အလိုအပ်ဆုံးလည်း ဖြစ်နေလို့ပါ။

“လက်နက် မပါဘဲ
စစ်ဝင်္ကဘာကို ငါမသွားရဲဘူး“ ..တဲ့
တာရာမင်းဝေက ပြောတယ် မမမွန်
မမွန် မပါတဲ့ ဘ၀တိုက်ပွဲထဲ ကျွန်တော်လည်း မသွားရဲဘူးဗျာ..။

“ငါ့ အိပ်ယာနဲ့ ငါ့ည က
ငါ့ကျောကုန်းအောက်မှာ ကျပျောက်သွားခဲ့တယ်“ ..လို့
ကဗျာတစ်ပုဒ်ရေးဖူးတယ် မမမွန်
အနှိပ်စက်ခံနေရမှတော့
အအိပ်ပျက်တာလည်း မဆန်းဘူးပဲ ဆိုပါတော့..
အားမတန်ရင် မာန်လျှော့ရပါတယ် မမမွန်..။

စွပ်စွဲတာ မဟုတ်ရပါဘူးနော်..
နွံထဲမှာ နစ်နေတာကိုပဲ သိစေချင်တာပါ

တစ်ခါတစ်လေတော့လည်း
အချစ်ဆိုတာ စောဖို့ အဓိက မဟုတ်ဘူး
စစ်ဖို့ အဓိကလို့ မမွန်ကြားအောင် အော်ပစ်ချင်တယ်
ကျွန်တော်နဲ့ မမွန်ရဲ့ ချစ်ချစ်
စစ်မဖြစ်ရဘူးဆိုရင်ပါ။

သိပါရဲ့လား မမမွန်
မျက်လုံးမှိတ်ပြီး မမွန်အကြောင်းတွေးရင်
တခြားယောက်ျားကို တွဲပြီး မြင်ယောင်နေရတာ
ကြီးစွာသော ဒုက္ခပါ မမမွန်
နောက်ကျတယ်ဆိုတဲ့ စကား
နောက်ဘ၀အထိ မကြားချင်ဘူး
တူးတူးခါးခါး မုန်းတယ် မမမွန်။

ဒါပေမယ့်ပေါ့ မမမွန်
ထူးတော့လဲ မထူးပါဘူးနော်
““မင်းအရင် လာခူးလဲ
ဖူးပွင့်ပေးမှာ မဟုတ်ဘူး”” လို့ မမွန် ပြောခဲ့ဖူးသားပဲ..။
ဒီလိုဆို မမမွန်
မမွန်ရဲ့ သိက္ခာတရားအတွက်...
ရောက်တဲ့ နေရာမှာ ကျွန်တော်ရပ်နေရမယ်လား..
ထားလိုက်ပါတော့ မမမွန်..။

ချစ်ရပါသော မမမွန်
မမွန်က ခေါင်းရှောင်ချင်မှတော့..
ဒါရိုက်တာက ကျွန်တော်ပဲ လုပ်ရတော့မှာပေါ့
(၀မ်းနည်းဖို့ ကောင်းတာတစ်ခုက...)
ကျွန်တော်ကိုယ်တိုင် ဇာတ်ညွှန်းရေးရပေမယ့်
ကိုယ့်ကိုယ်ကို ငဲ့ပြီး မင်းသားနေရာမှာ ရေးရင်း
ဇာတ်လမ်းတစ်ဝက်မှာတင် ဗီလိန်နေရာကို ဆင်းပေးလိုက်ရတယ် မမမွန်။

သို့ ...
ကျွန်တော့်ရဲ့ ...ချစ်ရပါသော မမမွန်..။


(တော်တော်ကြာကြာက ရေးဖြစ်ခဲ့တဲ့ အဟောင်းလေးပါ..)

ကိုယ်တိုင်ရေးပုံတူ..

October 5, 2009
ဂစ်တာတီးပြီး သီချင်းဆိုချင်ရင်
ငါ့လက်က ဆေးလိပ်တိုကို အရင် ချ။

ရေမလောင်း ပေါင်းမသင်
ငါ ပွင့်စေချင်တဲ့ ပန်းတွေ အဖူးဘ၀မှာတင် ဝေကြမွှေးကြ။

ငါလိုချင်တဲ့ အာဟာရတွေအတွက်
တစ်ချို့ သဘာဝပတ်ဝန်းကျင်တွေ ပတ်ပတ်စက်စက် စတေးပေးကြ။

ငါ နောက်ကျခဲ့တဲ့ ချိန်းဆိုမှုတွေမှာ
တစ်ချို့ ဘက်စ်ကားတွေ အပြစ်ဖြစ်ကြ။

ငါ ငြင်းပယ်ခဲ့တဲ့ အရက်ခွက်တွေမှာ
တစ်ချို့သောအားနာခြင်းတွေ ဆိုးဆိုးရွားရွား ရောဂါဖြစ်ကြ။

အငတ်ငတ် အပြတ်ပြတ် ငါ့ဆီမှာ “၀က်” ခန်းတဲ့အခါ
သူငယ်ချင်းတွေရဲ့ အိပ်ကပ်တွေ ချုံးချုံးကျအောင် ပိန်ကြ ကပ်ကြ။

ငါ အားနာရတဲ့ ငြင်းပယ်မှုတွေမှာ
ဆင်ခြေလက်ခြေတွေ ဗုန်းဗောလအော ပွထ။

ငါ မမက်မောချင်တဲ့ စည်းစိမ်တွေမှာ
တစ်ချို့သော ကမ်းလှမ်းမှုတွေ အပြိုင်းအရိုင်းသိမ်ငယ်ကြ။

ငါ့ ဆန္ဒတွေ တပ်မက်လွန်းတဲ့အခါ
ငါ့ပတ်ဝန်းကျင်ရဲ့ သိက္ခာတရားတွေ ပက်ပက်စက်စက် ပျက်စီးကြ။

ဒီလိုနဲ့........
..........................

ငါ့ ...သက်တမ်းရဲ့ နောက်ဆုံးအချိန်တွေမှာ
ငါ ...ရှု ရှိူက်ရမယ့် သက်တမ်းတွေဟာ
အတ္တတွေ တစ်နင့်တစ်ပိုးနဲ့ ...
ဆိုးဆိုးဝါးဝါး .. ထွက်ခွာသွားကြ။

နောက်ဆုံး ..ငါသိလိုက်တာက ......

ဂစ်တာတီးပြီး သီချင်းဆိုချင်ရင်
ငါ့လက်က ဆေးလိပ်တိုကို အရင် ချ။




( ၀က် = ပိုက်ဆံ)


သေဆုံးခြင်း

October 1, 2009
တစ်နေကုန် တစ်နေကမ်း
နာရီလက်တံတွေကို ထမ်းပြီး
နောက်ဆုံးခရီးကို လျှောက်နေတယ်...
....တားမယ့်သူတွေ ....ရှေ့က ဖယ်.....။

ထုံးစံ...

June 20, 2009
အထီးကျန်လမ်းတစ်လျှောက်
ကုန်းကောက်စရာ မရှိအောင် ရှားပါးလွန်းခဲ့တဲ့ မေတ္တာတရား
ကံကြမ္မာက အမြဲတမ်း ငါ့ထက် နှာတစ်ဖျားသာတယ်...။

ဘယ်တော့မှ မချိုတော့မယ့် သစ်သီးတစ်လုံးလား
ငါလည်းပဲ အပွင့်အရွက်က စပြီး ကြီးထွားခဲ့ရတာပါ..။

ငါ့ဘ၀မှာတစ်လျှောက်လုံးမှာ
ကံကောင်းတယ်ဆိုတာက ဘာ
ကံမကောင်းဘူးဆိုတာကကော ဘာလဲ....
ကံဆိုတာ လူလုပ်သမျှ
ကိုယ်လုပ်မှ ကိုယ်ရတယ်ဆိုလို့
ငါ.. ကြိုးစားကြည့်ခဲ့သားပဲ...။

ခက်တော့လည်း ခက်ပါတယ်...
ခေါင်းမာတတ်တာကပဲ အပြစ်နည်းနည်း ဖြစ်နေသလား...
တစ်ချို့ သော အခါးတွေက ၀ါးလေလေ ပိုချိုလေ..။

အခုအချိန်မှာလေ
လိုချင်တဲ့သူ လက်ညှိုးထောင် ...လို့
အဖေ့ကိုယ်စား ပြောပေးမယ့်သူတွေ မရှိနိုင်တော့ဘူးလား..
ငယ်ငယ်တုန်းကတော့ ကိုယ်ရခဲ့တာတွေက လွယ်ခဲ့သားပဲ။

အင်းလေ.. ဖြစ်ချင်တာတွေ မဖြစ်တာ များလွန်းတော့
ခပ်ပေါ့ပေါ့ထားလိုက်တဲ့ ဘ၀အဓိပ္ပာယ်တွေလဲ အေးခဲမှိုတက်
ငါ့ အတ္တတွေလည်း အနည်ထိုင် နေတတ်ခဲ့ပြီ။

တစ်ရက်ပြီးတစ်ရက် ဆိုပါတော့..
ဘ၀ရဲ့  နေ့တာတွေလည်း လျော့လျော့ပြီးလာနေလိုက်တာ
ငါ့ဆက်လျှောက်ရမယ့် ဟိုး..ရှေ့  လမ်းမဟာ
ငါကျော်ခဲ့တဲ့ အတိတ်လမ်းမလောက်တောင် ရှည်နိုင်ပါဦးမလား
ငါ့ အသက်က (၂၅)ကို စွန်းစွန်း ကျော်သွားခဲ့ပြီးပြီ...။

မှန်ကြည့်တဲ့အကောင်

June 8, 2009
အမှားရှိလို့လဲ အမှန်မသိတဲ့ အကောင်။
နောင်တဆိုတာကို
သစ်သီးချိုတစ်လုံးလို မက်မက်စက်စက် စွဲလမ်းတတ်တဲ့အကောင်။
သေရာပါ အနာရွတ်တွေ အထပ်ထပ်နဲ့
တွင်းနက်နက်ထဲ ခုန်ခုန်ချတဲ့ အကောင်။
တစ်ရက်ပြီး တစ်ရက်
ပြန်မအပ်ဖြစ်တဲ့ အငှားဆိုင်က စာအုပ်လိုမျိုး
အမှားတွေ တစ်ရက်ပြီးတစ်ရက်
မသေမချင်း နေ့တွက်ထပ်တိုးနေမယ့် အကောင်။

အချစ်ဦး..အချစ်စ...အချစ်လယ်..အချစ်ဆုံး....

May 19, 2009
ချစ်သူရည်းစား...တဲ့ ဖိုးဂျယ်က Tag တာပါ.. ကျွန်တော် Tag တွေကို သိပ်များများစားစား မရေးဖူးဘူး... ပြီးတော့ ဒီ Tag ကြီးက နန်းညီပြောသလို ကိုယ့် ပေါင် ကိုယ်လှန်ထောင်းရမယ့် ကိစ္စမျိုး..။ မသကာ အထောင်းမတတ်ရင် ဒွတ်ခ လှလှရောက်မယ့်ပို့စ် မျိုး..။
မတတ်နိုင်ဘူး... ခံရတော့လည်း ရေးပေါ့.. ဟုတ်တယ်လေ.. မရေးရင် ငဂျဲဆိုတဲ့အကောင်က ဘာလုပ်မယ်၊ ညာလုပ်မယ်..နဲ့ ခြိန်းခြောက်ထားတာ..။ ရေးလို့ အဆင်မပြေမှာက နောက်၊.. မရေးရင် ဒွတ်ခပေးမယ့်ကောင် ကိုယ့်ကို ကျားချောင်း ချောင်းနေတာ.. ခြိမ်းခြောက်လိုက်တာကလည်း မိုးကို မွှန်နေတာပဲ...ဒီကောင့်ကို ကြည့်ရတာ အစ္စရေးကို ပါလက်စတိုင်းက အခဲမကျေသလိုမျိုးပဲ..။

ဟုတ်ကဲ့ ..တကယ်ပါ...။
အဲဒီချစ်သူငယ်ချင်း ဖိုးဂျယ်ဆိုတဲ့ကောင်က သူများကို ဒွတ်ခပေးတဲ့နေရာမှာ ရွှေတံဆိပ်ရော ..ကမ္ဘာဖလားရော.. အကုန်ရထားတဲ့အကောင်..။

ကဲ ..အင်ထရိုဝင်တာတောင် တော်တော်ကြာသွားပြီ။ ပြောတော့မယ်ဗျာ..။
ဒါပေမယ့် ဘယ်လိုစ ပြောရမယ်မှန်းမသိဘူး.။ သူများ ဖြေထားတာတွေ သွားကြည့်တော့လည်း ဟုတ်နေတာပဲ..။ ကိုယ့်ကျမှ ဘယ်လို ရေးရမှန်းမသိဖြစ်နေတာ..။
ကျွန်တော်က သူများတွေလို ပထမတစ်ယောက်တို့..၊ ဒုတိယတစ်ယောက်တို့ ဆိုပြီးလည်း မရေးချင်ဘူး၊ အဲဒီတော့ ၀တ္ထုဆရာတစ်ယောက်လို ခေါင်းစဉ်တပ်ပြီးရေးရင် ကောင်းမလားစဉ်းစားမိတယ်..။
ဆရာမင်းလူလား..၊ ဆရာ မောင်စိန်ဝင်း(ပုတီးကုန်း)လား၊ ဆရာနွယ်ဂျာသိုင်းလား မသိတော့ပါဘူး၊ ၀တ္ထုတစ်အုပ်ဖတ်ဖူးတယ်.။
အဲဒီ စာအုပ်ကို ဖတ်မိကတည်းက ငါလည်း ဒီလိုမျိုးလေး ကိုယ့်အကြောင်းကို ပြန်ရေးကြည့်ဦးမယ်လို့ စိတ်ကူးထားတာ..။ ခုတော့ ဖိုးဂျယ် Tag တာနဲ့ အတော်ပဲဖြစ်သွားတယ်..။ ကိုယ့်အရေးအသား..ကိုယ့်ဇာတ်လမ်းကို ဖတ်ကြည့်ပြီး အကြည်တော်တို့ .. နီကိုရဲတို့က ဆက်မရေးရဲတော့မှာလည်း ကြောက်ရသေးတယ်။ ငှင်းငှင်း....

ကဲ..ကဲ.. စပြီ


စာရေးဆရာက သူ့ချစ်သူတွေကို ဒီလို ပြောပြခဲ့ပါတယ်..။

အချစ်ဦး၊
အချစ်စ၊
အချစ်လယ်၊
အချစ်ဆုံး တဲ့ ..

အချစ်ဦး

ကျွန်တော့်ရဲ့ အချစ်ဦးကို စတွေ့တော့ ကျွန်တော် (၈)တန်းနှစ်မှာပါ၊ ကောင်လေးက ငယ်ငယ်လေးနဲ့ နန့်တယ်လို့ မထင်ပါနဲ့နော်.. ။ တကယ်ဆို ကျွန်တော် ရည်စားထားချင်စိတ်ပေါ်တာ နောက်တောင် ကျနေပါပြီ..။ ကျွန်တော့်သူငယ်ချင်းတွေဆို (၆)တန်းနှစ်လောက်ထဲက ရည်းစားရှိပြီးသားတွေ ချည်းပဲ။
ကျွန်တော်ကသာ အဲဒီအချိန်မှာ ဘောလုံးဘက်ကို စိတ်ရောက်နေလို့ အဲဒီကိစ္စတွေနည်း နည်းနည်း အလှမ်းကွာသွားတာ..။

ကြာကြာတော့ မခံပါဘူး။ (၈)တန်းနှစ်ရဲ့ သီတင်းကျွတ် ညတစ်ညမှာ အဲဒီကောင်မလေးကို စတွေ့ပါတယ်။ သိတယ်မို့လား..။ ကျွန်တော်တို့ ပျဉ်းမနားမြို့ရဲ့ သီတင်းကျွတ်ည ဆိုတာက အရမ်းစည်ကားတာ..။ မြို့ထဲမှာ စတိတ်ရှိုးကားတွေ လည်ကြည့်နေတုန်း အဲဒီကောင်မလေးကို စတွေ့ခဲ့တာပါ..။ ကောင်မလေးက သိပ်လှတာပဲ..။ အဲဒီတော့ ဘာဖြစ်သလဲ...။

ဟာ! ...
ကျွန်တော့် မျက်ဝန်းမှာ လမင်း (၇) စင်းသာသွားတယ်..။
(အဲဂလို ဖြစ်သွားတာပါ....ဟီးဟီး..နည်းနည်းပိုသွားတယ်..အဲဒီတုန်းကတော့ ပိုတယ်လို့ မထင်ပါဘူး..တကယ်)

သူ့နောက်ကို လိုက်ကြည့်မယ်ဆိုပြီး သူငယ်ချင်းတွေကို ပြောတော့..သူငယ်ချင်းတွေက လိုက်ကွာ ဆိုပြီး အားပေးတယ်..။ အားပေးမှာပေါ့ .... အားလုံးထဲမှာ အဲဒါတွေ စိတ်မ၀င်စားတာ၊ ရည်းစားမရှိတာက ကျွန်တော်တစ်ယောက်တည်း ရှိတာကိုး။ မသကာ ကျွန်တော်က သူတို့ အိမ်ကို ပြန်တိုင်ရင် မခက်ဘူးလားဆိုပြီး သူခိုးသေဖော်ညှိ လုပ်ပေးတာ..။ ကျွန်တော်ကလည်း သူတို့ မြောက်ပေးတာကို အဟုတ်အောင့်မေ့ပြီး ကောင်မလေးသွားရာနောက် တစ်ကောက်ကောက်လိုက်ကြည့်တယ်။

မှတ်မှတ်ရရ..သူငယ်ချင်း ဇေယျာလင်းဆိုတဲ့ ကောင်က ဒီလိုသင်ပေးခဲ့ပါတယ်။
``ဟေ့ယောင် ..ငပိုင်...
မင်း သူ့နောက်ကို ဒီအတိုင်းပဲ လိုက်ကြည့်မနေနဲ့ ..
အကျိုးရှိအောင် တစ်ခုခုတော့လုပ်..
သူ့ကို မင်းလိုက်နေတယ်ဆိုတာ သူသိသွားအောင်...လုပ်..
အဲဒါမှ မင်းကို သူ အသိအမှတ်ပြုသွားမယ်...ဒီနေ့က အင်ထရိုပေါ့ကွာ´´..တဲ့...
နောက်နေ့မှ အဲဒီကောင်မလေးရဲ့ ကျောင်းကို လိုက်စုံစမ်းပေးမယ်..တဲ့..။

သူတို့က အဲဒီအချိန်မှာ ကျွန်တော့်ထက် သမ္ဘာကျတယ်လေ..အဲတော့ သူတို့ခိုင်းတာ လုပ်ရပါတော့တယ်..။
ဟုတ်တယ်လေ... ကောင်မလေးကျွန်တော့်ကို သတိမထားမိ ထားမိအောင် ကြံရတော့တာပေါ့..။
ကောင်မလေး ..ကျွန်တော့်ကို သတိထားမိအောင် သူ့နားမှာ ရစ်ဝဲရစ်ဝဲလုပ်ပြီး အိုက်တင်တွေ လုပ်ပြပါတယ်.။

``ဟေ့ယောင် ငပိုင် ..ကောင်မလေး မင်းကိုကြည့်ရင် လက်ပြကွာ´´..တဲ့..
မင်းမင်းလတ်ဆိုတဲ့ကောင်က အကြံပေးတာ..။

ဒီကလဲ ဘယ်ရမလဲ၊ လက်ပြဆို ပြတာပေါ့..။
သူတို့က ကိုယ့်ထက် ဆရာကျတယ်လေ..
ကိုယ်က အဲဒီအချိန်မှာ ကျောင်းသားရယ်..ကျောင်းသားတောင်မှ ကျောင်းသားသစ်လေးဆိုပါတော့ .....။

ဒါနဲ့ပဲ.... ကောင်မလေး ..ကျွန်တော့်ဘက်ကို လှည့်ကြည့်တာနဲ့ ကြုံရင် လက်ပြရတာပေါ့..။
“ ဟာ... ငပိုင်.. မင်းကို ကောင်မလေးက ပြန်ကြည့်နေတယ်နော်... အခြေအနေကောင်းတယ်ကွ”တဲ့ ..
ကြပ်ပေးနေကြတာလေ.. ဒီကလည်း ကြပ်ပေးမှန်း သိသားပဲ..
သိသိကြီးနဲ့ပဲ.... ခေါင်းလေးမော့ပြီး...
“...ဟင်း..ဟင်း.. အဲလိုပဲ ဖြစ်နေရမှာပေါ့ကွာ..ငါက ငပိုင်ပဲ....”ဆိုပြီး.. အ၀ှါ တက်ပြလိုက်သေးတယ်..
( တကယ်တော့ ကောင်မလေးက ကျွန်တော့်ကိုကြည့်တာ မဟုတ်ဘူး ..။ လူတွေက အရမ်းစည်တာဆိုတော့ ဟိုဟိုဒီဒီ မျက်စေ့ကစားတာ .. အဲဒါကို ကျွန်တော်က ကျွန်တော်တို့ကို ကြည့်တယ်ပေါ့...ငှင်းငှင်း)

ခက်တာက ကောင်မလေး ကျွန်တော့်ဘက်ကို လှည့်ကြည့်လို့ ကျွန်တော်က လက်ပြလိုက်ရင် .. ကောင်မလေးက ဟိုဘက်ကို ပြန်လှည့်သွားပြီ..အဲဒီတော့ ကျွန်တော်လက်ပြတာကို ကောင်မလေးက မမြင်တော့ဘူးပေါ့..။
အဲလိုပဲ ကောင်မလေးက လှည့်ကြည့်လိုက်..
ကျွန်တော်က လက်ပြလိုက်...
ဟိုဘက်ကို ပြန်လှည့်သွားလိုက်နဲ့...လည်ထွက်နေတာလေ..

အဲဒီမှာ ကျွန်တော့်ရဲ့ လက်ဦးဆရာတွေထဲက တစ်ယောက်ဖြစ်တဲ့ ကိုဟိန်းဆိုတဲ့ကောင်က ..ဒီလို အကြံပေးပါတယ်..

``ဟေ့ကောင်..မင်းက အဲလို သူကြည့်မှ လက်မြောက်ပြရင် ဘယ်လိုလုပ်ပြီး မင်းပြတာကို မြင်တော့မလဲကွ..ဒီလိုလုပ်.. မင်းလက်ကို မြောက်ထား..၊ ပြန်မချနဲ့..အဲဒါဆို သူလှည့်ကြည့်ရင် မင်းလက်မြောက်ပြတာ မြင်ပြီးသား .. ဟုတ်ဘူးလား´´..တဲ့..

အင်...ကျွန်တော် နည်းနည်းတော့ လေသွားတယ်.. စဉ်းစားကြည့်ဦးလေ..ကောင်မလေးက တကယ်ဆို ကျွန်တော့်ကို လှည့်ကြည့်တာလဲ မဟုတ်ဘူး.. သူဘာသာသူ ဟိုကြည့်ဒီကြည့်နဲ့ မျက်လုံးက ကျွန်တော့်ဘက်ကို ရောက်လာတာပဲဟာကို...ပြီးတော့ ကျွန်တော်တို့ ဘေးနားမှာကဖြင့် လူတွေက အများကြီးရယ်..
အဲလို လက်ကြီး မြောက်ပြီး ကောင်မလေး သွားမယ့် နေရာတကာကို လိုက်နေရမှာကတော့ နည်းနည်းကြောင်တာပေါ့..။

ကျွန်တော် ကမန်းကတမ်း အိုက်တင်လျှော့ပြီး ငြင်းရတယ်..
ဒါပေမယ့် မရပါတော့ဘူး..။
``မင်းကလဲကွာ..သူ ငါ့ကို မြင်ပါတယ်..´´
``မမြင်ဘူးဟေ့ကောင်.. ဘာလဲ မင်းက ရှက်နေတာလား..၊ ဟေ့ကောင် အချစ်မှာ မျက်ခွက်မရှိဘူးဆိုတာ မသိဘူးလား.´´တဲ့
အင်း..ကျွန်တော့် ဆရာပညာရှိက ပြောတဲ့ စကားပုံလေ...သူများကြားရင် ဗန်းစကားနဲ့ အဆန်းထွင်ပြောတယ် ထင်ဦးမယ်..ဟုတ်ဘူး အဲကောင်က အဲလို သောက်တလွဲပဲ ပြောတတ်တဲ့ကောင်..။
ကျွန်တော်လည်း အရစ်ရှည်နေမှာစိုးလို့ ပြန်ပြောမနေတော့ဘူး..သူတို့က ဆရာတွေမို့လား..

မြောက်ဆိုတော့လည်း မြောက်ရတာပေါ့..
ကောင်မလေး သွားရာနောက်ကို လက်နှစ်ဘက်မြောက်ပြီး လျှောက်လိုက်နေရတယ်...။
(ဟီးဟီး ....ပေါရဲတယ်နော်...ခုထိ မြင်ယောင်နေသေးတယ်.. သီတင်းကျွတ်လပြည့်နေ..လူတွေ ဒီလောက်ကြိတ်ကြိတ်တိုးနေတဲ့ အချိန်မှာ လက်ကြီးမြောက်ပြီး အဲဒီကောင်မလေး သွားတဲ့နောက်ကို ပတ်လိုက်နေရတာလေ.. ဟိုလူက ကြည့်သွားလိုက် ..ဒီလူက ကြည့်သွားလိုက်နဲ့.. ရှက်ပါဘူးနော်... သူငယ်ချင်းကတောင် ပြောသေးတယ် အချစ်မှာ မျက်ခွက်ရှိဘူး” ..ဆိုတာလေ..
(မျက်ခွက်ရှိရင်တောင် တော်တော် ပြောင်လို့ နေမှာပေါ့နော်.... သက်သက်ညှာညှာလေးတော့ ကောက်ချက်ချပေးပါဗျို့.....)

ဟုတ်ကဲ့.... အချစ်ဦးက အဲလို စတွေ့တာပေါ့
(နိမိတ်ပဲ ထင်ပါရဲ့ဗျာ .. နောက်ပိုင်းမှာတော့ သူ့ကို ကျွန်တော်တကယ် လက်မြောက်ခဲ့ရပါတယ်။)

သီတင်းကျွတ်ပိတ်ရက်ပြီးလို့ ကျောင်းတွေ ပြန်ဖွင့်ပြီဆိုတော့ အဲဒီကောင်မလေးကို ရှာပုံတော်ဖွင့်ကြပါတယ်...
ပထမဦးဆုံး စတွေ့တဲ့နေ့က အဲဒီကောင်မလေးကို အိမ်အထိ လိုက်ကြည့်ထားတာမို့ ..ကျောင်းစဖွင့်ရက် မနက်စောစောမှာ သူငယ်ချင်း သုံးယောက် အဲဒီအိမ်ရှေ့မှာ မယောင်မလည်နဲ့သွားရပ်ကြပါတယ်..။ သိပ်လဲ အရဲမကိုးရဲဘူး...။ သူတို့အိမ်က ဘယ်သူတွေ ရှိလို့ရှိမှန်းလည်း မသိဘူး.. ။ မောင်တွေ အစ်ကိုတွေ ရှိရင် ကိုယ်က နာမှာ..။ ပြီးတော့ အဲရပ်ကွက်က ကိုယ်နဲ့ သိပ်ကြည်တဲ့ ရပ်ကွက်မဟုတ်ဘူး..။ ..
အဲ ..ကံကောင်းချင်တော့ သူတို့အိမ်ရှေ့တည့်တည့်မှာ ဆံပင်ညှပ်ဆိုင်တစ်ဆိုင်ရှိတယ်ဗျ..။ ကျွန်တော်တို့မြို့ နယ်တွေရဲ့ ထုံးစံက ကျွန်တော်တို့ အရွယ်တွေဆိုရင် လဘက်ရည်ဆိုင်တွေ ဘာတွေ သိပ်ထိုင်လို့ မကောင်းသေးဘူး.။ အဲဒီတော့ ဆံပင်ညှပ်ဆိုင်တွေမှာပဲ များသောအားဖြင့် ထိုင်ကြတယ်..။ အဲဒီဆိုင်ကိုလဲ စကားရော ဖွဲရောလုပ်ပြီး ဆိုင်ရှေ့က တန်းလျားမှာ ၀င်ထိုင်ပြီး ကောင်မလေးကို အကဲခတ်ကြတယ်..။

အမငီး..
ကောင်မလေး အိမ်ထဲကလဲ ကျွန်တော်တို့ကို ပြန်အကဲခတ်နေတာဗျ..။
ကောင်မလေးတော့ မဟုတ်ဘူး..။ သူတို့ အမေကြီးထင်တယ် အန်တီကြီးတစ်ယောက်ဗျ..။ ကျွန်တော်တို့ကို ကွက်ကြည့်ကွက်ကြည့်လုပ်နေတာ..။
သေပြီ..ဆရာပေါ့.. ကျွန်တော် ကတုန်ကယင်တောင်ဖြစ်လာတယ်..။ စောစောက အိမ်ရှေ့က သုံးခေါက်လောက်ဖြတ်ပြီး သူတို့အိမ်ဘက်ကို ကြည့်တာများ မြင်သွားလို့လား.။ ဟိုတစ်နေ့က ည ကတည်းက ကျွန်တော့်ကို သိနေတာလား..။ ထွက်များ ရိုက်မလားပေါ့.။ ဟိုကောင်တွေက တော့ ကျွန်တော့်ကို မသိမသာ လက်ကုတ်တယ် ..။ မကြောက်နဲ့ပေါ.။ ပြောသာပြောတာ ဒီကောင်တွေလည်း ကြောက်နေတာပဲ. ။ မသိဘဲနေမလား.. ဒီလောက် မျက်စေ့ပျက် မျက်နှာပျက်ဖြစ်နေတာကို..။ ကျွန်တော့်ရှေ့ မှာသာ ဆရာဂုဏ်ထိခိုက်မှာစိုးလို့ မကြောက်ချင်ယောင် ဆောင်နေကြတာ..။

အန်တီကြီးက ကျွန်တော်တို့ကို ကွက်ကြည့်ကွက်ကြည့်လုပ်လိုက်...။ အိမ်ထဲဘက်ကို လှည်ပြီး တိုးတိုး..တိုးတိုးပြောလိုက်..လုပ်နေတာ..။ သေချာပါတယ်..။ ကျွန်တော်တို့ကို သူသိသွားတာတော့ သေချာပြီ..။
ကျွန်တော်က ပြေးချင်နေပြီ..။ ဟိုကောင်တွေက နေဦး။ ဟန်မပျက်စေနဲ့ ဆိုပြီးအတင်းဆွဲထားလို့သာ ထိုင်နေရတာ..ဒူးက တုန်နေပြီ..။

အဲဒီမှာပဲ အန်တီကြီးက တစ်ခုခုကို ဆုံးဖြတ်ချက်ချပြီးပုံနဲ့ အိမ်အပြင်ဘက်ကို ထွက်ချလာပါလေရော..။
``ဟေ့..သူငယ် သုံးယောက် ..ခဏလာပါဦးကွယ်´´တဲ့..
သေပြီ...ပဲ..။
ဟိုနှစ်ကောင်က ပြောတုန်းကသာ ဆရာကြီးလေသံနဲ့ မကြောက်နဲ့တွေ ဘာတွေပြောနေတာ.. ဘွားတော်ကြီးလဲ ထွက်ခေါ်ရော..ကြောက်လိုက်တာမှ ရုပ်ပျက်ဆင်းပျက်ပဲ..

ကျွန်တော် အဘွားကြီးမျက်နှာကို သေချာကြည့်လိုက်တော့မှ အဖွားကြီးက ကျွန်တော်တို့ ထင်သလို မဟုတ်လောက်ဘူးဗျ.. အသံလေးကို ချိုနေတာပဲ .. မျက်နှာလေးက ပြုံးလို့ ..
ဒါနဲ့...ကျွန်တော်လည်း အရဲစွန့်ပြီး မေးလိုက်တယ်..
“အန်တီ.. ဘာဖြစ်လို့လဲ ခင်ဗျ..” ..ဆိုတော့မှ
“အားတော့နာပါတယ်ကွယ်...”..တဲ့.....
“အန်တီ့ကို တစ်ခုလောက် ..ကူညီပါ..ရေစည်ပိုင်း နေရာရွှေ့ချင်တာ ..လူမရှိလို့ ပါ..”တဲ့..
အမငီး.. ...........အဲဒီနေ့က မနက်တစ်ပိုင်းလုံး ရေစည်ပိုင်းရွှေ့လိုက်တာနဲ့ အချိန်ကို ကုန်ရော..
ရေစည်ပိုင်းက ၅ လုံးလောက်ရှိတာလေ.. အဘွားကြီးကလည်း အရစ်က ရှည်ရှည်ရယ်.. အားလည်း မနာတတ်ဘူး.......
“ဟိုနားကနေ..ဒီနားရွှေ့ပါ.. ဒီနားကနေ ဟိုနားရွေ့ပါ....
ဟင့်အင်း နေရာ မကျသေးဘူး..အိမ်ဘေးကိုပဲ ရွှေ့လိုက်ပါတော့.. မထူးပါဘူး .. အဲဒီတစ်လုံးက မီးဖိုချောင်နားကို တစ်လက်စတည်းသာ ရွှေ့ပေးခဲ့ပါ.. သားတို့ရယ်.....” ဆိုပြီး.... မောင်းလိုက်တာ..
မသိတဲ့သူဆို အငြိုးနဲ့ ခိုင်းတယ်တောင် ထင်ဦးမယ်.. တစ်မနက်လုံးကို သေချင်စော်တောင် နံသွားတယ်...

ဗျာ !.....
ကျွန်တော့်ကောင်မလေးလား .. ?
အင်း ..ဟုတ်ကဲ့...”
ကျွန်တော်တို့ ရွှံ့ အလူးလူး ဗွက်အပေပေနဲ့ ရေစည်ပိုင်းတွေ လှယ်ပြီး ရွှေ့နေတဲ့ အချိန်မှာပဲ ..ကျောင်းဝတ်စုံလေး ၀တ်ပြီး ထွက်သွားလိုက်တာ ..ကော့နေတာပဲ..
ကျွန်တော့်ကိုများ တစ်ချက်ကလေးတောင် လှည့်ကြည့်သွားတာ မဟုတ်ပါဘူး..
သူတို့အိမ်က မာလီတွေ အလုပ်လုပ်နေတာကျနေတာပဲ..

ကျွန်တော်တောင်...... ရေစည်ပိုင်းကြီးကို လိမ်ဖယ်..လိမ်ဖယ် တွန်းရွှေ့ရင်း “တောက်” ခေါက်မိသေးတယ်..
“တွေ့ကြသေးတာပေါ့ကွာ.. ရည်းစားများဖြစ်လို့ကတော့”....လို့

အဲဒီရက်တွေနောက်ပိုင်းမှာ .. အဲဒီကောင်မလေးကို အသေအလဲ လိုက်ပါတယ်........။
အဆင်မပြေပါဘူးဗျာ.။ ကောင်မလေးက မာနခဲလေး..။ ကျွန်တော့်ကို မြင်ရင် ထွက်ပဲ ပြေးနေတော့တာပဲ..။ ဘယ်လိုမှ နီးစပ်အောင် လုပ်လို့မရဘူး..။

အဲဒီမှာ ကျွန်တော့်ထက် ဆရာကျတဲ့ ကျွန်တော့်သူငယ်ချင်းတွေက ကောင်မလေးနဲ့ အဆင်ပြေဖို့ အားလုံးဝိုင်းပြီး ဗျူဟာတွေ ချမှတ်ပေးကြပါတယ်။
“ ဒီလို လုပ်ရတယ်ကွ.. ကောင်မလေးနဲ့ ရင်းနှီးအောင် အရင်ကြိုးစားလိုက်ဦး.. ပြီးမှ တစ်ဆင့်ချင်းတက်တာ အကောင်းဆုံးပဲ..အပိုင်ချည်လိုက်ပေါ့ကွာ.. ကိုယ့်အိပ်ထဲက ဖား..မင်း ပြားစေချင်လား ဖောင်းစေချင်လား..”တဲ့..
ကဲပေါ့.. ကျွန်တော်က တပည့်ပဲ ..သူတို့ ခိုင်းတာ လိုက်လုပ်ရမှာပေါ့..။

တစ်ကောင်က ဒီလို အကြံပေးပါတယ်.။ ကောင်မလေးနဲ့ ရင်းနှီးအောင် လုပ်ဖို့ပါ..။
သူကြည့်တဲ့ ဗွီဒီယိုကားထဲမှာတဲ့..
မင်းသားလွင်မိုးက မင်းသမီးနဲ့ ရင်းနှီးမှုရအောင်..တဲ့..
မင်းသမီးရဲ့ရှေ့ မှာ လမ်းလျှောက်ပြီး ပိုက်ဆံအိပ် ထွက်ကျချင်ယောင်ဆောင်တယ်..တဲ့..မင်းသမီးက ပြန်ကောက်ပြီးပေးတော့မှ ကျေးဇူးတင်ပါတယ်.. ကျေးဇူးဆပ်ပါရစေ..တစ်ခုခုစားပါ..ဘာညာ..ဘာညာ..ဆိုပြီး ရင်းနှီးသွားရော...တဲ့...

ဟဲဟဲ..ကျွန်တော်လည်း အဲဒီဇာတ်လမ်းကို သဘောကျသွားတယ်..ဆိုပါတော့..
ဒါ...ဖြစ်နိုင်တယ်လေ..
အဲဒါနဲ့.. မြို့ထဲက စာရေးကိရိယာဆိုင်မှာ အကောင်းစားကွန်ပါဘူး လှလှလေးဝယ်..
ဘောလ်ပင် အကောင်းစားတွေ ရောင်စုံဝယ်ထည့်.. ကျွန်တော့်နာမည်ကို လှလှလေးရေးပြီး..ကွန်ပါဘူးမှာ ကပ်..
မောင်မိုးသား..အဌမတန်း (A)...ဆိုပါတော့..

အားလုံးပေါင်း.. ပိုက်ပိုက်လည်း တစ်ထောင်ကျော် ကုန်သွားတယ်..
အဲဒီတုန်းက ပိုက်ပိုက် တစ်ထောင်ဆိုရင် အများကြီးသုံးလို့ ရတယ်လေ..
ထားပါလေ..ဒီပိုက်ပိုက်လောက်ကတော့ ..ချစ်သူတစ်ယောက်ရဖို့ ဒီလောက်တော့ ရင်းရမှာပေါ့..

ဒါနဲ့ပဲ ..ကောင်မလေး လာမယ့်လမ်းကို စောင့်ရတယ်. ..
ကြံရွယ်ထားတဲ့ မနက်မှာ အဲကောင်မလေး ကျူရှင်မလာဘူး..ညနေ ကျူရှင်ချိန်ကို ပြန်စောင့်ရတယ်..။
အမယ်..အမယ်.. သူလာပါပြီ..
ဂျင်းစကပ်အတိုလေးနဲ့ . ..ဖီးဆင့်န့် စက်ဘီးလေးစီးပြီးတော့..
အင်း..ကျွန်တော်က ကြာကြာငမ်းလို့ မရဘူးဗျ..သူ့ကို မမြင်ချင်ယောင်ဆောင်ပြီး ကွန်ပါဘူးကို ထွက်ကျပေးခဲ့ရမှာကိုးးး...
ပြီးရင်တော့ ..သူက ကွန်ပါဘူးပြန်ပေး.. ကျွန်တော်က ကျေးဇူးတင်..သူ့ကို ကျွန်တော်က အအေးတိုက်..
ဟဲဟဲ.. ဇာတ်က အားလုံးကွက်တိ....

သူကျွန်တော့်တို့ အနား မရောက်ခင် ခပ်လှမ်းလှမ်းမှာ ကျွန်တော်က လမ်းပေါ်ကို စက်ဘီးကို တွန်းတင်လိုက်တယ်..
သူ့ကို လုံးဝ လှည့်မကြည့်ပါဘူး..။ ကျွန်တော် စက်ဘီးပေါ်တက်ခွ.. နမော်နမဲ့ အိုက်တင်နဲ့ ကွန်ပါဘူးကို လမ်းပေါ် ပစ်ချလိုက်တယ်..။
“ဂွက်”..တဲ့ ကွန်ပါဘူး ပြုတ်ကျတဲ့အသံလေ..
ကျွန်တော်လည်း ဇွတ်ကြီး မကြားချင်ယောင်ဆောင်ပြီး စက်ဘီးကို ဆက်နင်းခဲ့တာ.. တော်တော်ဝေးဝေးအထိပဲ..
တော်တော်ကြာမှ အဲနေရာကို တစ်ခြားလမ်းက ပတ်ပြီး ပြန်လာတော့.. သူငယ်ချင်းတွေ စောင့်နေတာကိုတွေ့တယ်..။
တစ်ကောင်က အဝေးကြီးကနေ.. လက်မ ထောင်ပြတယ်..။ အိုကေ..ပေါ့..။
ကောင်မလေးက ကျွန်တော့်ကွန်ပါဘူးကို ဆင်းကောက်သွားတယ်..။ ဒီကောင်တွေက အဲနားမှာ အခြေအနေကို ချောင်းကြည့်ပြီး ကျန်ခဲ့တာလေ..။

ကျွန်တော်..ပျော်သွားတယ်..။ ကျွန်တော်တို့ ဗျူဟာ ပထမအဆင့် အောင်မြင်သွားပြီဆိုပါတော့.. ည ကျတော့ အိပ်တောင် မပျော်ဘူး..။ နောက်နေ့ ကောင်မလေးကို ဘယ်ဆိုင်မှာ လိုက်ကျွေးရမလဲ စဉ်းစားနေတာနဲ့..။ ပိုက်ဆံကလည်း ရှာထားရသေးတယ်..။ ကျွန်တော်က သူ့ကို ဆိုင်ကောင်းကောင်းမှာ ကျွေးချင်တာလေ..။

ဒီလိုနဲ့ .. (၃)ရက်လောက် ကြာသွားတယ်..။ ကျွန်တော့် ရင်ခုန်သံက ပိုတိုးတိုးလာတယ်.။ သူ ..ဘယ်အချိန်လာမလဲပေါ့..။
လက်ထဲမှာ ရှိတဲ့ပိုက်ဆံ သူမလာခင် မကုန်သွားအောင်လည်း ဂရုစိုက်ရသေးတယ်..။ သူကလည်း ကျွန်တော့်အခန်းကို မလာရဲလို့များလားပေါ့..။
သူ ..ရှိမယ့် နေရာတွေကို သွားတယ်...။ သူ့ကို ကိုယ်ယောင်ပြတယ်.။ သူ့ ကျူရှင်ရှေ့မှာ မယောင်မလည် လုပ်တယ်..။
ဟင့်အင်း...
တစ်ပါတ်...ပြီးတော့ ..ဆယ်ရက်..
အချိန်တွေသာ ကြာသွားတယ်..ကောင်မလေးက ရောက်မလာဘူး..။ ကျွန်တော်တို့လည်း ဇဝေဇ၀ါဖြစ်သွားတယ်..။ ကွန်ပါဘူးကို ကောက်သွားတာလည်း သေချာပါတယ်..။ ဘာဖြစ်လို့များလဲပေါ့..။ တကယ့် ဇာတ်ဝင်ခန်းနေရာကျမှ ထစ်နေတယ်.. ကောင်မလေးရယ် လာပါတော့..။

မလာဘူးဗျာ... အဲဒီ ကွန်ပါဘူးလဲ ပြန်မရတော့ဘူး...။
ပိုက်ပိုက် တစ်ထောင်ကျော်လည်း ဆုံးရောပဲ..
ကောင်မလေးက ဘယ်သူမှ မမြင်ဘူးဆိုပြီး အဲကွန်ပါဘူး ပြန်မပေးတော့တာ..။
ကျွန်တော့်မှာ သူငယ်ချင်းတွေ ကြားထဲမှာ ရှက်လိုက်တာ..။
အဲလိုနဲ့ပဲ ကျွန်တော့်ရဲ့ အချစ်ဦးက ဇာတ်သိမ်းသွားတော့တယ်.။
ကျွန်တော် သူ့ကို မချစ်တော့ဘူး...။ မချစ်ချင်တော့ဘူး..။
တစ်ခုပဲ ရှိတယ်..။
သူများတွေ ချစ်ဦးသူအကြောင်း အရသာခံပြီးပြောရင် ကျွန်တော်ကတော့ အဲဒီကွန်ပါဘူးလေးကိုပဲ ပြန်ပြန်မြင်ယောင်ရင်း နှမြောနေမိတော့တယ်...။


အချစ်စ....ကို ဆက်ပါမည်..။




ရေးရင်းနဲ့ ရှည်သွားပြီဗျာ.. မထူးတော့ပါဘူး.. နောက်ရက်တော့ ဆက်ရေးပါ့မယ်.. ခုအိပ်ချင်နေပြီ..
(မိုးသားရဲ့ အကျင့်အတိုင်း ..ဆက်ရန်ပေါ့နော်.. သီးခံကြပါ ..ကွယ်..ရို့....)

အသက်တစ်ရာ မနေရ..အမှုတစ်ရာ ပွေရ...

May 13, 2009
လူ ဆိုတာ အသက်တစ်ရာ မနေရ ..... အမှု တစ်ရာ ပွေရ..တဲ့ ..။ ကြားဖူးတာပဲ..။ ဟုတ်မှာပါ..။
ဟုတ်လို့လည်း ရှေးလူကြီးတွေက ပြောခဲ့တာ နေမှာပေါ့..။ ကိုယ်ဘာမှ မလုပ်ပေမယ့် ကိုယ့်ကို
လာပတ်တဲ့ အမှုတွေလည်း ရှိတာပဲ..။
ကိုယ်လုပ်လို့ ကိုယ်ဖြစ်ကိုယ်ခံရတာတွေလည်း ဒုနဲ့ ဒေးပဲ။
အဲဒါမျိုးက ကိုယ်ဖြစ်ကိုယ်ခံ ဖြေသာပေမယ့် ကိုယ်လဲ ဘာမှ မလုပ်ရပါဘဲနဲ့
ပလိန်းကြီး ခံလိုက်ရတာမျိုးကျတော့ အီလည်လည်ကြီး ခံစားရတယ်..။ ဥပမာ ..ဒါမျိုးပေါ့..။


ကျွန်တော် ကိုးတန်းနှစ်ကလေ..။ ကျွန်တော်တို့ရဲ့ နယ်မြို့ကလေးမှာ။ ပျဉ်းမနားမှာပေါ့။
ကျောင်းတွေ မဖွင့်ခင် ကျူရှင်ယူဖြစ်ကြတယ်။ ကျွန်တော်က ကျူရှင်သွားရင် သူငယ်ချင်းတစ်ယောက်နဲ့ အတူသွားနေကျ။ အဲဒီတုန်းက ကျွန်တော့်မှာက ဆိုက်ကယ်မရှိသေးဘူး။ ပြိုင်စက်ဘီးလေးပဲ ရှိတာ။ သူငယ်ချင်းကတော့ ဆိ်ုင်ကယ်နဲ့။
... ဆိုတော့ ကျွန်တော်က သူ့ဆိုင်ကယ်ကို ကပ်စီးတာပေါ့။ တစ်ခါတစ်လေ သူ့ ဆိုင်ကယ် ပျက်တာတို့ ။
သူ့အိမ်က ယူသုံးတာမျိုးကျတော့ ကျွန်တော့် ပြိုင်ဘီးနဲ့ ကတ်သီးကပ်သပ် ကျပ်တီးကျပ်တပ်စီးပြီး ကျူရှင်သွားရတယ်။
သူက စက်ဘီး မရှိဘူးကိုး...။

ပြောရဦးမယ်..။ မိုးသားဆိုတဲ့ကောင်က ငယ်ငယ်ကတည်းက ထောင့်ကျိုးတာ မဟုတ်ဘူး. ။ ပေတီးပေကပ် ဂျစ်ကန်ကန်။ဆံပင်ပုခုံးထောက် ၊ ပုဆိုးချက်ပြုတ်၊ နားကွင်းတွေ နားကပ်တွေနဲ့ ။ လက်သည်းရှည်ရှည်တွေနဲ့ ။ သိတယ်မို့လား။ ဘွန်ဂျိုဗီတို့ .. ဂန်းအန်ရို့စ်တို့ကို သိပ်အားကျတဲ့ကောင်ဆိုတော့ ..ရပ်ကွက်က မိဘပြည်သူတို့ ကျောင်းက ဆရာဆရာမတို့ဆိုတာ မိုးသားဆို ကြည့်လို့ ရတာကို မဟုတ်ဘူး။
မျက်နှာမြင် ရိုက်ချင်ပါစေဆိုတဲ့ ဆုတောင်းကောင်းတဲ့ကောင်လေ။ အိုက်တင်ကလည်း ရာဇာနေ၀င်းအိုက်တင်နဲ့ ဆိုတော့ ပြီးရောပေါ့။

တစ်ရက်တော့ သူငယ်ချင်းရဲ့ ဆိုင်ကယ်က မအားလို့ ကျူရှင်တက်ဖို့ အဲဒီကောင့်ကို သွားခေါ်ရတယ်။
သြော်..ဒီကောင့်နာမည်က ဇာနည်တဲ့။ ဇာနည်က ဆည်မြောင်းက။ မြို့ထဲနဲ့ နည်းနည်းဝေးတယ်။
သူတို့ ဆည်မြောင်းကို ရောက်ဖို့ နာရီဝက်လောက် စက်ဘီးနင်းပြီးသွားရတာ.။ အဲဒီနေ့ကတော့ ကျွန်တော် သူ့ကို သူ့အိမ်ထိသွားမခေါ်နိုင်တော့ဘူး။ စက်ဘီးနင်းလာရတာဆိုတော့ ပင်ပန်းနေပြီလေ။ ပြီးတော့ ဆေးလိပ်ကလည်း ခိုးသောက်ခါစဆိုတော့ ဒီကောင့်ကိုစောင့်ရင်း ဆေးလိပ်လေးက ခိုးသောက်လိုက်ချင်သေးတာ။ အဲဒီအချိန်တုန်းက တော်တော်လေး ငယ်သေးတာဆိုတော့ လူများများရှေ့မှာ ဆေးလိပ်ထုတ်မသောက်ရဲဘူး။
ခိုးသောက်ရတာ။ ဒီကောင်တွေ လမ်းက လူရှင်းတော့ ဆေးလိပ်ခိုးသောက်လို့ ကောင်းတယ်။ လူကလည်း ရှင်းဆို ..အဲဒီဘက်ကရွာတွေပဲ ရှိတော့တာကိုး။

ကျွန်တော်လဲ ဒီကောင့်ကို ဥသျှစ်ကုန်းဘုန်းကြီးကျောင်းရှေ့က အုတ်ခုံလေးမှာ ထိုင်စောင့်ပြီး ဆေးလိပ်လေး ဖွာနေလိုက်တယ်။
ပြောရဦးမယ်။ အဲဒီနေရာလေးက တော်တော်လေးကို သာယာတာဗျ။
အဲဒီညနေခင်းကလဲ ဘယ်လောက်လှတယ်ထင်လို့လဲ။
ဘုန်းကြီးကျောင်းနားက စေတီလေးရယ်။ သံလမ်းရှည်ရှည်ရယ်။
ဖုန် ငွေ့ငွေ့တက်နေတဲ့ နွားအုပ်ဖြူဖြူရယ်။ ရွာစုစုလေးရယ် ။ လယ်ကွင်းနောက်ခံတွေရယ်။
လူကလည်း ကဗျာရူး၊ စာရူးဆိုတော့ ဆည်းဆာရဲ့ အလှတရားကို ဆေးလိပ်လေးနဲ့ ခံစားနေတာဆိုပါတော့။

အဲဒီအချိန်မှာပဲ။ ဥသျှစ်ကုန်းရွာထဲကို ပြန်သိမ်းလာတဲ့ နွားအုပ်က ကျွန်တော်နဲ့ မလှမ်းမကမ်းဖြတ်သွားတယ်...။

နွားအုပ်ကို ကျောင်းလာတဲ့ ရွာသားက ခပ်ပုပု ဂင်တိုတို။ ကျွန်တော်နဲ့ အသက် မတိမ်းမယိမ်းလောက်ပေါ့။ပုဆိုးတိုတို။ အကျီင်္ကို ပုခုံးပေါ်တင်ပြီး ခမောက်ကလေးနဲ့။

ကျွန်တော်ကလည်း သူ့ကို လှမ်းပြီး အကဲခတ်တယ်။ သူကလဲ ကျွန်တော့်ကို ပြန်ပြီး အကဲခတ်နေတာပဲ။ ပြောရရင် သူ့စတိုင်နဲ့ ကျွန်တော့် စတိုင်က တော်တော်လေးကို ကွာတာ။
သူက ရွာသားပုံစံ စစ်စစ်မှ စစ်စစ်။ ကျွန်တော်က ဂျင်းဘောင်းဘီချက်ပြုတ်နဲ့။
သရဲရုပ်တွေပါတဲ့ တီရှပ်နဲ့။ ဆံပင်က ပုခုံးထိ ၀ဲကျနေတဲ့ စတိုင်နဲ့။ ဝေါကင်းရှူးအသစ်ကလေးနဲ့။
မြို့သား လန်းလန်းဆန်းဆန်းလေး။

သူ...ကျွန်တော့်ကို ငေးပြီး အားကျနေမှာပဲလို့ ကျွန်တော်ထင်တယ်။ ကျွန်တော် အုပ်ခုံပေါ်မှာ ထိုင်နေတာကနေ ထရပ်လိုက်တယ်။
ပြိုင်ဘီး ဘားတန်းပေါ်ကို လက်တစ်ဖက်ထောက်။
ခြေနင်းပေါ်ကို ခြေထောက်တစ်ဖက်တင်ပြီး လက်ထဲက ဆေးလိပ်ကို ဟန်ပါပါနဲ့ တစ်ချက်လောက် ဖွာလိုက်သေးတယ်။
အိုက်တင်လုပ်တာ ဆိုပါတော့။ ပခုံးထိ ၀ဲကျနေတဲ့ ဆံပင်ပျော့ပျော့တွေကို ခေါင်းတစ်ချက် ဆက်ခနဲ့ ခါပြီး နောက်ကို ပင့်တင်လိုက်တယ်။
ဟင်း...ဟင်း..ဟင်း..ပေါ့။

စောစောက နွားကျောင်းသားကို တစ်ချက်စောင်းကြည့်လိုက်တော့ ....ထင်တဲ့ အတိုင်း၊ တွက်ထားတဲ့အတိုင်းပဲ ကျွန်တော့်ကို ရပ်ပြီး ငေးနေလိုက်တာ..အားကျနေတာပဲ ဖြစ်မှာပေါ့ ... ။

ကျွန်တော် သူ့ကို လှမ်းကြည့်လိုက်တာ မြင်တော့မှ ကဗျာကယာ မျက်နှာလွှဲသွားတာ။
သူ ..ကျွန်တော့်ကို ငေးနေတာ လူမိသွားလို့ ရှက်သွားတာလား မသိပါဘူး။
သူ့နွားကို အော်ဆဲပြီး သူ့ရွာဘက်ကို ကမန်းကတန်း မောင်းသွားတယ်။


အဲ... သူ့ နွားကို အော်မဆဲသွားခင် ကျွန်တော့်ကို တစ်ချက်လှမ်းကြည့်လိုက်သေးတယ်။
သူ...နွားဆဲတာက ဒီလို..။

" တောက်! ငါ ရိုးမ နွား၊

ကဲ ..ဆဲပစ်လိုက်ပြီ၊

ဘယ် မအေရိုး..ကြားကြား"....တဲ့။

ဟားဟား
အီ ဆိမ့် ...သွားတာပဲ။
အဲဒီနားမှာကဖြင့် သူနဲ့ ကျွန်တော်နဲ့ နှစ်ယောက်ထဲရယ်။ သူကတော့ ခပ်တည်တည်ပါပဲ။
ကျွန်တော့်မှာသာ ရယ်ရခက်၊ ငိုရခက်နဲ့။ အူတူတူကြီး ကျန်နေခဲ့တာ။

အမှတ်တရပါပဲဗျာ...။

အိမ်သာကျင်း

January 16, 2009
ကောင်မလေးရေ . . . .

ငါဟာ နင့်ရဲ့  အိမ်သာကျင်းဟောင်းတစ်ခုလား

နင် စွန့်ခဲ့တဲ့ အမှတ်တရ အညစ်အကြေးတွေ . . . .

ငါ့ ရင်ဘတ်မှာ ဘုန်းဗောလအော ပုတ်ပွနေလေရဲ့


ငါ့မှာတော့ဖြင့် ချစ်ခြင်းမေတ္တာကို ခေါင်းစဉ်တပ်

နံတာကိုလည်း နံမှန်း မသိတတ်ခဲ့ဘူး


ကောင်မလေးရေ . . . .

တောင်ဘက်ကိုင်းကနေ မြောက်ဘက်ကိုင်းကို ကူးဖို့အတွက်

နင် ..သက်သက် ရမယ်ရှာတဲ့အခါ

အဲဒါ.. အကြင်နာတွေ ၀မ်းချုပ်တာပေါ့ ...။

ငါ့မှာတော့ နင့်ဘက်ကို ခေါင်းမော့ထားရတာ

ဆင်ရဲ့  ''ဟိုဟာ ...'' ခွေး မျှော်ရသလို

ဇတ်တွေကို နာလို့ . . . .။



ချစ်တဲ့ ကောင်မလေးရေ . . . .

နင်မလိုချင်တော့တာတွေကို စွန့်ပစ်

နင် .. ငါ့ကို မချစ်တော့တဲ့အခါ

အမှတ်တရတွေ ...

သတိတရတွေ ...

ငါ့ရဲ့ နောက်ဆုံးသော မျှော်လင့်ချင်းတွေ

ဟောဒီ့ အိမ်သာကျင်း တစ်ခုလုံး ပြည့်လျှံလို့ နေလေရဲ့ . . . .

ခွင့်လွှတ်ကြပါ..

January 14, 2009
တောက်....!

ကဗျာရေးနေတာ ..

လုံးဝကို မထွက်ဘူး...

စိတ်တိုလိုက်တာ...

နားလည်ပေးကြပါ သူငယ်ချင်းတို့ရာ...

၂၀၀၈ နဲ့ ၂၀၀၉

January 1, 2009

၂၀၀၈ ဟာ ၂၀၀၉ နဲ့ ဘာမှလည်း မထူးခြားပါလားဗျာ။

နှစ်သစ်ဆိုပေမယ့် ခံစားချက်က မသစ်သေးဘူး။

ကျွန်တော့်ချစ်သူကလည်း အရင်လိုပဲ သူ့ချစ်သူနဲ့ ချစ်လို့ကောင်းနေတုန်း

ကျွန်တော်က အရင်လိုပဲ တစ်ဖတ်သတ် မြစ်မှာ ကူကယ်ရာမဲ့ မျောနေတုန်း။

ကျွန်တော့်ချစ်သူက အရင်လိုပဲ သူ့ချစ်သူကို ကြိုးစားဖို့ အားပေးတုန်း။

ကျွန်တော်က အရင်လိုပဲ ကိုယ့်ဘာသာကိုယ် အပျင်းကြီးလို့ ကောင်းနေတုန်း....။

ကျွန်တော့်ချစ်သူက အရင်လိုပဲ သူ့ချစ်သူကို ဆေးလိပ်ဖြတ်ဖို့ တောင်းဆိုတုန်း။

ကျွန်တော်ကလည်း အရင်လိုပဲ အရက်သောက်လို့ ကောင်းနေတုန်း။

ကျွန်တော့်ချစ်သူက အရင်လိုပဲ သူ့ချစ်သူကို .............ချစ်လို့ ကောင်းနေတုန်း။

ကျွန်တော်ကလည်း အရင်လိုပဲ................ကျွန်တော့်ချစ်သူကို ဆက်ချစ်နေတုန်းပါ။

၂၀၀၈ ဟာ ၂၀၀၉ နဲ့ ဘာမှလည်း မထူးခြားပါလားဗျာ။


(တစ်စုံတစ်ယောက်ကို ရည်ရွယ်ပါသည်။ တိုက်ဆိုင်မှုရှိလျှင် ခွင့်မလွှတ်လို့ ရပါသည်။)

(မိုးသား)

အကြိုက်ဆုံးကဗျာ

December 21, 2008
ဖိုးဂျယ် TAG ထားတဲ့ ကျွန်တော့်ရဲ့  အကြိုက်ဆုံး ကဗျာပါ

“ပျဉ်းမငုတ်တို”

ဖု ထစ် ရွတ် တွ၊ ငှက်ဠင်းတ သို့
ပျဉ်းမ ငုတ်တို၊ သက်ကျားအိုသည်
ကုန်းမိုထက်တွင် တပင်တည်း။

ခွဆုံ အကွေး၊ သစ်ခေါင်းဆွေးလည်း
အဖေး တက်လာ၊ အိုင်းအမာသို့
ကျယ်စွာ ဟက်ပက် ခြအိမ်ပျက်။

ကုန်းမို ကမ်းပါး၊ မြေပတ်ကြားတွင်
စစ်သား ခမောက်၊ ပိန်ခြောက်ခြောက်လည်း
စစ်ရောက်စခန်း လက်ပြညွှန်း။

ထိုပင်ငုတ်တို၊ ပျဉ်းမအိုသည်
စစ်ကိုလည်း ကြုံ၊ ခြအုံလည်း ဖြစ်
ဓားထစ်လည်း ခံ၊ နေလျှံလည်း တိုက်
လေပြင်း ခိုက်လည်း၊ မငိုက် ဦးခေါင်း
နွေသစ် လောင်းသော်
ရွက်ဟောင်း ညှာကြွေ၊ ရွက်သစ် ဝေ၍
လေပြည်ထဲတွင်၊ ငယ်ရုပ် ဆင်သည်
အသင် ယောက်ျားကောင်းတကား။ ။


မင်းသုဝဏ်


ဖိုးဂျယ် Tag ထားတာကို တွေ့ ပါတယ် ။ မသိချင်ယောင်ဆောင်နေတာပါ။ ဒါပေမယ့် ပို့စ်အကြွေးတစ်ခုလို စိတ်ထဲမှာ ခံစားရပါတယ်။
ကျွန်တော်ကိုယ်တိုင်ကလည်း “အကြိုက်ဆုံးကဗျာ”လို့ Tag ခံရတာမို့ စိတ်ပါလက်ပါရေးချင်ပါတယ်။
မမြင်ချင်ယောင်ဆောင်ရတာက ဒီလိုပါ။ အကြိုက်ဆုံး ကဗျာကို တော်တော်နဲ့ မစဉ်းစားနိုင်လို့ပါ။
ကျွန်တော် အကြိုက်ဆုံးကဗျာတွေက တော်တော်များများရှိပါတယ်။ တော်တော်လေးကို များပါတယ်။

အဲဒီအထဲကမှ ဆရာ မင်းသုဝဏ်ရဲ့  “ ပျဉ်းမငုတ်တို” ကတော့ စပြီး ဖတ်ဖူးကတည်းက စွဲထင်နေခဲ့တာပါ။
ကျွန်တော် (၇)တန်းလောက်က ဆရာပေးဖတ်လို့ ဖတ်ရတာပါ။ ဆရာက အဲဒီတုန်းက စကားပြေပါ တစ်ခါတည်း ပြန်ပေးခဲ့တာဆိုတော့ ကိုယ့်ဘာသာ နားလည်နိုင်တာထက် ကဗျာလေးရဲ့  အရသာကို ပိုခံစားနိုင်ခဲ့ပါတယ်။
ကြက်သီးမွေးညင်းထခဲ့တဲ့ ကဗျာပါ။
အခုတော့ မထင်မှတ်ဘဲ ဒီကဗျာကို ကိုအောင်သာငယ် ဘလော့ဂ်မှာ တွေ့ လို့ ပြန်ကူးခဲ့တာပါ။
ကိုအောင်သာငယ်ကဖြင့် ကျွန်တော့်ကို သိတောင်သိမှာ မဟုတ်ပါဘူး။
ဘာပဲဖြစ်ဖြစ် ကျွန်တော် ခွင့်တောင်းခဲ့ပါတယ်။
ကိုအောင်သာငယ်ကို အထူးပဲ ကျေးဇူးတင်ရှိပါတယ်။
ကျွန်တော့် အကြိုက်ဆုံးကဗျာလေးကို ရေးခွင့်ဖန်တီးပေးတဲ့ သူငယ်ချင်း ဂျဲဂျယ်ကိုလည်း ကျေးဇူးတင်ရှိပါတယ်။
ကျွန်တော့်ရဲ့  သူငယ်ချင်းတွေရဲ့ အကြိုက်နဲ့ ရော တူပါရဲ့ လား မန့်ပေးသွားရင် ကောင်းမယ်လို့ မျှော်လင့်ပါတယ်။

မိုးသားဆိုတဲ့ အကောင် ...

December 8, 2008
ကိုယ့်သမိုင်းကို ကိုယ်ပြန်ဖွင့်ကြည့်တိုင်း
ဟော့ဒီ ခပ်ရိုင်းရိုင်း မိုးသားကိုပဲ မြင်တယ်။

ငါဆိုတဲ့ကောင်လေ
ဟော့ဒီ မိုးသား ဆိုတဲ့ ကောင်ပေါ့
လောကကြီးနဲ့ သဟဇာတ မဖြစ်လိုက်ပုံများ
ကိုယ့်ဘ၀မှာ ရွာချခဲ့သမျှမိုးရေတွေ
အမြဲတမ်း ပင်လယ်ရေလို ခါးတူးနေတဲ့ အကောင်။

မိုးသားဆိုတဲ့ကောင်လေ....
သနားချင်ပြီဆိုရင် မြက်ပင်ကိုတောင် မနင်းမိအောင် ရှောင်ခဲ့တဲ့အကောင်။
မသနားဘူးဆိုရင်တော့ ကိုယ့်ညီအရင်းကိုတောင်
နှာခေါင်းကသွေး ခြေဖ၀ါးအောက် သွေးပေါက်ပေါက်ကျအောင် ထိုးတဲ့ကောင်။

ကျေနပ်နေတဲ့အခါ ကိုယ့်နောက်ကျောက ဓါးရာအထပ်ထပ်အတွက်
အပြုံးမပျက် အားနာတတ်ခဲ့တဲ့ကောင်။
မကျေနပ်ပြန်တဲ့အခါ ကိုယ့်အရိပ်ကို နင်းမိရုံလောက်အတွက်
နှစ်ခါပြန်သတ်ပစ်ချင်စိတ်က ငယ်ထိပ်မှာ သွေးတက်နေတဲ့ ကောင်။

မိုက်ရိုင်းတဲ့အခါ မိတ်ဆွေကို မိတ်ဆွေလို့ မမြင်ချင်တဲ့ကောင်။
ရစရာပိုက်ဆံလေး တစ်ထောင်နှစ်ထောင်အတွက်
“မင်းအသက်ကို ဖက်နဲ့ ထုပ်ထား” လို့
သူ့ ရပ်ကွက်အထိ ဓါးကြိမ်းသွားဖို့ ၀န်မလေးတဲ့ ကောင်။

ယဉ်ကျေးချင်တဲ့အခါ ကျပြန်တော့လည်း
ကိုယ့်ဘ၀ကို လက်တစ်ဆုံး နှိုက်ယူသွားခဲ့တာတောင်
“ခန္တီစ” ကို ရင်မြေကတုတ် လုပ်ပြီး
သူ့ဘ၀ မီးလောင်တော့ ပြန်ပြီး စုပ်သပ်ပေးနိုင်ခဲ့တဲ့ အကောင်။

အင်း...ငါဆိုတဲ့ ကောင်
ဟောဒီ မိုးသား ဆိုတဲ့ အကောင်ပေါ့။
တစ်ခါတစ်လေ ယုံကြည်မှုဆိုတဲ့ နာမည်ကောင်းလေး တစ်ခုအတွက်
အပ်တိုလေး တစ်ဝက်ကိုတောင် အိမ်တိုင်ရာရောက် ပြန်အပ်တတ်တဲ့ ကောင်။

တစ်ခါတစ်လေ မနက်စာလေး တစ်နပ်အတွက်
ကိုယ်ကျင့်တရားနဲ့ ရိုးသားမှုကို မိတ္တူဆိုင်မှာ သော့တုလုပ်ဖို့ အပ်တဲ့ကောင်။
တပ်မက်မှုတွေနဲ့ အမြဲတမ်း လောင်မြိုက်နေတဲ့ အကောင်။
အခွင့်အရေးဆိုရင် နှစ်ခါပြန် မစဉ်းစားတတ်တဲ့ အကောင်။

သူများ အားနာတတ်တာကို အခွင့်ကောင်းယူပြီး
ကိုယ့်အတွက် ခါးပါအောင် သိမ်းပိုက်ချင်တဲ့ အကောင်။
အသာတကြည် ပြေပျောက်လိုက်လို့ ရတဲ့ စိတ်ဆန္ဒလေးတစ်ခုနှစ်ခုကိုတောင်
ဟော့ဒီ ငါဆိုတဲ့ကောင် တပ်မက်မိပြီဆိုရင်
ဘ နဖူး သိုက်တူး ဖို့လည်း စနေ အင်္ဂါမရွေးတဲ့ အကောင်။

ဟုတ်တယ်.... ငါဆိုတဲ့ ကောင်
ဟော့ဒီ မိုးသားဆိုတဲ့အကောင်ပေါ့ ....
အဲဒီလို အမြဲတမ်း မှောင်တယ်။
မင်းတို့တွေ့  ရင် ဝေးဝေးရှောင်။








ချစ်သူငယ်ချင်းဂျဲဂျယ်ရဲ့ မွေးနေ့ မင်္ဂလာ

December 5, 2008

Happy birthday Jel jel lay

သူငယ်ချင်း ဂျဲဂျယ်ရဲ့ မွေးနေ့ အမှတ်တရပါ....

နောက်ကျပြန်သည် သုံးရာသီ

December 2, 2008
မ၀ံ့သည်သာ...

............................

မြေလွှာပေါ် အကြွေရောက်

ဖွဖွလေးကောက် ကြိုးနဲ့ သီ

ချစ်သူဆီ ပဏာဆက်မည်ပေါ့...ပြေးလာခဲ့သည်။



လာခဲ့သော်ငြား နောက်ကျပြီ....

ပင်မြင့်မှာ ပန်းသဇင် ဝေပြီမို့

ကိုယ် ပို့တဲ့ ပန်းအကြွေ ခရေညှိုးရယ်က

တန်ဖိုးမဲ့ သူ့နေရာ...

မြေလွှာပေါ် ပြန်ကာ သက်မည်ပေါ့...

စိတ်လျှော့ရသည်.. ဆောင်းရာသီ ။



မ၀ံ့သည်သာ....

.................................

စံပယ်တွေ လှိုင်လှိုင်မြူးပြီမို့

ပွင့်ဦးစ အဖူးအခတ်ကို

သူ့အတွက်လို့ ရွယ်ရည်

သည်တစ်ခါ နောက်ကျလျှင် မဖြစ်ပြီမို့

အပို့စောရန် ကြိုးစားခဲ့သော်ငြား

ထိပ်ထားရဲ့  ကေသာဦးမှာ

ဂုဏ်ထူးသူ နှင်းဆီဖူးရယ်က

အရင်ဦး ရောက်နှင့်ပြန်သည်ပေါ့

စိတ်လျှော့ရသည်...မိုးရာသီ ။



ကိုယ် မ၀ံ့သည်သာ .....

............................

စိန်ပန်းပြာ နွေခါဦးမှာ ဖူးပွင့်ပြန်တာ ....။

မှူးသက်လျာ ဒေ၀ီ အတွက်

ပို့ဆက်ဖို့ ဘယ်လို ကြိုးသော်လည်း

ကိုယ် ဆုံးဖြတ်မရဲပါ။

ဒီအချိန်ဖြင့် သူ့ ကေသာ

ပိတောက်ဝါ ဂုဏ်အမြင့်က

ထူးတင့်မည်ပေါ့ သေချာ။

သုံးရာသီ အချစ်ကို သိစေချင်သော်ငြား

ကိုယ်သွားလျှင် ကိုယ့် အမှားပေမို့

စိန်ပန်းပြာ မျက်နှာမွဲကို

ရင်ကွဲစေ အံကိုကြိတ်

မျိုသိပ်လို့ ထွေးပိုက်ရသည်...

သြော်....လွမ်းရပါသော နွေရာသီ..။။





စိတ်ကူးယဉ်ခြင်း

November 25, 2008

အခန်း (၁)


ခွင့်မတောင်းဘဲ ရောက်လာခဲ့တဲ့ ငါ့ရဲ့ ဖဲကြိုးဝါရေ...

အခု....မင်းသဘောနဲ့မင်း ပြန်ထွက်သွားခဲ့တာ

ပြက္ခဒိန်အဟောင်းလေး (၅)နှစ်စာ ကြာခဲ့ပြီ။



မင်းထားခဲ့တဲ့ အလွမ်းချည်တိုင်မှာ

ငါ ကြိုးမပါဘဲ တုပ်နှောင်ခံနေခဲ့ရတာ

အရှိုးရာတွေ တစ်ထပ်ပြီးတစ်ထပ်

အခုတော့ .....

အသားမာ တက်လုလု အခြေအနေမှာပါ။



အခန်း (၂)


ပြန်မလာပါနဲ့တော့ ဖဲကြိုးဝါ

ငါ အနယ်ထိုင်ပါရစေဦး။

တစ်ရှုံးထဲ ရှုံးနေရမယ်ဆိုရင်...

အချစ်ရဲ့  ဘက် လိုက်တက်တဲ့ တရားခွင်ထဲမှာ

ငါ ... ဘာ အယူခံစရာ လိုဦးမလဲ..



တစ်ကယ်ဆို

ဘ၀အသစ်မှာ ...

အချစ်စစ်လေး တစ်ခါလောက်တွေ့ ဖို့အတွက်တော့

ငါ မာန်လျှော့စရာ မလိုဘူးမို့လား။



ပြောရရင်တော့ ....ဖဲကြိုးဝါ...

နင် နည်းနည်းများ နားခါးမလား

တကယ်ဆို.... ငါ့အတွက်လည်း မရှားပါး ပါဘူးဟာ။


...................

.........................

...................................

......................................


အခန်း (၃)


အင်း...........

တကယ်တော့လည်း ဖဲကြိုးဝါ

အခုအချိန်အထိ နင် ယုံကြည်ထားခဲ့သလိုပါပဲ။

အဲဒီလို အမုန်းမာန် စကားတွေကို

(နင်ကြားအောင်...) ကြုံးဝါးချင်နေတာကလွဲရင်

နင်ထားခဲ့တဲ့ ဟိုအရင် ချည်တိုင်နားမှာပဲ

တို့ရဲ့  ပြက္ခဒိန်လေး (၆)နှစ်သား မပြည့်မချင်း

ငါ မင်းကို မျှော်နေရဦးမှာ......